මයික්‍රොසොෆ්ට් ට ජය
තාක්ෂණ ලෝකයේ ජගතුන් හා පේටන්ට් යුද්ධ පැවතීම සාමාන්‍ය සිදුවීමකි.
ඇමෙරිකාවේ මයික්‍රොසොෆ්ට් හා ගූගල් යන සමාගම් දෙක අතර ද පේටන්ට් බලපත්‍ර සඳහා පැවති මෙවැනි නීතිමය සටනක් පසුගිය බ්‍රහස්පතින්දා අවසාන වූයේ මයික්‍රොසොෆ්ට් සමාගමට ජය ගෙනෙමිනි.
මයික්‍රොසොෆ්ට් සමාගමට අයත් එක්ස්බොක්ස් නිෂ්පාදනය විසින් ගූගල් හි අනුසමාගමක් වන මෝටරෝලා මොබිලිටි වෙත අයත් පේටන්ට් බලපත්‍රයක් උල්ලංඝනය කර ඇතැයි මෙම නඩුව පවරා තිබුණි.
කෙසේ වෙතත්, ඇමෙරිකාවේ ජාත්‍යන්තර වෙළඳ කොමිසම විසින් තීරණය කරනු ලැබුවේ මයික්‍රොසොෆ්ට් එක්ස්බොක්ස් නිෂ්පාදනය විසින් මෙම පේටන්ට් බලපත්‍රය උල්ලංඝනය කර නැති බවයි.
මෙම සටන ඇපල්, මයික්‍රොසොෆ්ට් හා ගූගල් හි ඇන්ඩ්‍රොයිඩ් මෙහෙයුම් පද්ධතිය භාවිතා කරන අනෙකුත් ජංගම දුරකථන නිෂ්පාදන සමාගම් අතර පවත්නා වඩා විශාල පේටන්ට් සටනකට ද සම්බන්ධ බව විදෙස් වාර්තා වල දැක්වේ.
0 comments :
Post a Comment